"Broken Friendship" by Palak Taneja is a poem about the way deep friendships can be lost as people drift apart. The poem was originally written in Hindi, but an English translation is also available. Click here to read this poem in English.
Image Description: Someone with their wrists in handcuffs. They are visible from the elbows to the knees.
Credit: Tima Miroshnichenko / Pexels
"Broken Friendship
by Palak Taneja
Koi dil k bhot kareeb tha jisse yaari tuth gai,
Kabhi toh din bhar gappe ladaya krte thaa,
Phir ek ek kr ek dusre se milne ki bekarari tuth gaii...
College ke furst year tak toh humari yaari sabse khaas hua krti thi,
Har lecture, har canteen mein bas apni hi baat hya krti thi...
Phir naya dost kya aaye tumhari zindagi mein,
Main dheere dheere tumhari duniya se gayab ho gaii...
Na jaane kab baaton mein woh pehle wali baat na rahi,
Saath toh tha, par pehle jaisi mulaqat na rahi...
Na jaane kab baaton mein woh pehle wali baat na rahi,
Saath toh tha par pehle haisi mulaqat na rahi...
Woh jo har chhoti baat pe ek dusre ko bataya krte the,
Aaj wahi baate dil mein chupaya krte hai...
Kabhi ek dusre ko dekhe bina din shuru naji hota tha,
Aur ab haal tak poochne ki aadat bhi chhut gai...
Hum toh aaj bhi wahi thehre rahe us mod par,
Bas tumhari duniya mein humari jagah chhut gaii...
Har koi tareef kiya krta tha humari dosti ki,
Naye chehron ke chakkar mein purani mehfil tuth gai...
Kabhi bina baat ke bhi haste haste din guzar jayya krte the,
Aaj ek message ka intezar krte krte raat beet gai...
Pehle toh reply bhi pal bhar mein aa jaaya krte the,
Ab ek message ka jawab aane mein hafte been jaaya krte hai...
Yaad hai woh chhoti chhoti baaton par zor zor se hasna,
Aur ek dusre ko bina wajah pareshaan kiya krna...
Pehle ek dusre ke bina din adhura sa lagta tha,
Ab na jaane kyun khamoshi hi aadat si ban gaii...
Na koi shikayat hai, na kisi baat ka gila,
Bas ek apni thi jo dheere dhere parai ho gaii...
Ab kabhi kabhi purani chats dekh kar bas muskura dete hai,
Jaise ek khoobsurat si yaad dheere dheere adhuri ho gaii...
Purani photos dekh kar woh saari kahani yaad aa jaati hai,
Aur kai baar haste haste aankhon mein nami si aa haati hai...
Kai baar mann karta kai phir se pehle jaisa sab ho jaaye,
Par kuch log paas hoke bhi pehle jaise nahi reh paate...
Tu shayad aage badh gayi apni nayi duniya mein, Par main aaj bhi purani yaadon mein kahin thehri si reh gai...
Tu shayad aage badh gayi apni nayi duniya mein,
Par main aaj bhi purani yaadon mein kahin thehri si reh gaii...
Aur shayad isi ko adhuri dosti kehte hai,
Jahan pyaar toh aaj bhi hota hai, par saath nahi hota...
Koi dil k bhot kareeb tha jisse yaari tuth gaiii...
Koi dil k bhot kareeb tha jisse yaari tuth gaiii...
From the Author
Palak Taneja is a poet who writes predominantly in Hindi. You can find the above story translated to English here. This poem was translated to English with the help of Google Translate. If you or someone you know can volunteer translation services, please contact Laura Browne-Lambert at contact.undergroundbookshelf@gmail.com. Volunteer translators will be credited and may submit bios or contact information if desired.
Add comment
Comments